Հեռավար ուսուցում, ապրիլի 13- 23

Ինձ  դուր  են  գալիս  մարդիկ,  որոնք  բաբախում  են,  որոնց  հարկ  չկա  մղել  ինչ-որ  բանի,  որոնց  պետք    չէ  ասել,  որ  ինչ-որ  բան  անեն,  որովհետև  գիտեն,  թե  ինչ    է  պետք    անել  և  հենց  այդպես  էլ  անում  են:  Մարդիկ,  որոնք  «մշակում  են»    են    իրենց  երազանքները,  այնքան,  մինչև  որ  այդ  երազանքները    տիրանում  են  իրենց  իսկ  իրականությանը:  Շարունակությունը այստեղ  : 

Առաջադրանք:
Կարդալ ստեղծագործությունը:
Ընտրել որևէ շարք և պարզաբանել.

Ինձ  դուր  են  գալիս  մարդիկ,  որոնք  գիտակցում  են  երջանկության  կարևորությունը  և  քարոզում  են  դա:  Մարդիկ,  որոնք  կատակների  միջոցով  սովորեցնում  են  մեզ  հումորով  ընդունել  կյանքը:  Մարդիկ,  որոնք  երբեք  չեն  դադարում  մանուկ  լինել:

Ընտրել եմ այս հատվածը, քանի որ շատ հավանեցի: Նախ ասեմ, որ ինձ էլ են դուր գալիս նման մարդիկ, ովքեր երջանիկ են և իրենց երջանկությունը փոխանցում են դիմացինին, էլ ավելի ոգեշնչելու, որ աշխարհում սիրելը մի գեղեցիկ զգացմունք է: Այն մարդիկ, որոնք քեզ հետ կատակում են և սովորեցնում քեզ հումորով ընդունել կյանքը, նրանք քո մոտ ընկերներն են, հարազատներդ: Մարդիկ, որոնք քեզ շրջապատում են, ուզում ես միշտ իրենց հետ խոսել, կատակել, քանի որ այդ ամենը քեզ դրական լիցքեր և ժպիտներ է պարգևում: Մարդիկ, որոնք չեն դադարում մանուկ լինել, նրանք այն մարդիկ են, ովքեր մինչ օրս ուզում են վերադառնալ մանկություն, վերապրել այդ պահերը կրկին:

Փորձեք շարունակել «Ինձ դուր են գալիս մարդիկ…»  շարքը:

Ինձ դուր են գալիս մարդիկ, որոնք միշտ կողքիդ են ամեն պարագայում, ինչ էլ լինի թե’ ուրախ և թե’ տխուր պահերին: Ինձ դուր են գալիս մարդիկ, որոնք անկախ ամեն ինչից սպասում են քո երջանկությանը, քո ձեռքբերումներին և հաջողություններին:

Իմ սիրելի գիրքը

Դե ինչպես և նշել էի իմ առօրյա անելիքներում, սկսել էի կարդալ  ռուս հեղինակների գլուխգործոցներ: Գիրքը Стейс Крамер -ի << 50ддмс>> (50 дней до моего самоубийства) է: Վերնագիրը ոչ հաճելի է ոմանց համար, քանի որ այն 16 տարեկան մի աղջկա մասին է, ով շփոթված է իր կյանքում և ցանկանում է մեռնել: Բայց, միևնույն ժամանակ, նա չի կարող անմիջապես անել դա, ուստի ինքն իրեն հետհաշվարկ է անում և ուզում է հասկանալ այդ ընթացքում ինչ կկատարվի իր հետ և 50 օր անց նա պետք է որոշի ապրել, թե՞ մեռնել: Այդ հետհաշվարկի ընթացքում ամեն բան օգնում է նրան մոռանալ բոլոր խնդիրների մասին և սովորեցնում է նրան ապրել առանց հետևանքների մասին մտածելու: Առաջին հերթին, գիրքը կօգնի հասկանալ, որ անմիտ արարքներ կատարելն այնքան էլ անխոհեմ չէ։ Իհարկե, մենք կարող եք ինքներս մեզ ներշնչել, որ կյանքը ձանձրալի է, բայց գրքում գլխավոր հերոսի համար դեռ շատ ավելի լավ էր, քան իր նախկին կյանքը`վախերով և կասկածներով:Հեղինակը դրանով ապացուցում է, որ ինքնասպանությունը երբեք քո բոլոր խնդիրների լուծումը չի լինի։ Վերջին գլուխը կարդալուց հետո ես մտածեցի, թե ինչ են մտածում այլ ընթերցողներ: Կարդալով ոմանց կարծիքները հասկացա որ իրենք բաժանվել են 2 խմբի, ընդհանուր առմամբ, ինչպես միշտ է լինում: Ոմանք կարծում են, որ Ստեյս Կրամերը հանճար է, և գիրքը մեր ժամանակների գլուխգործոց է, իսկ մյուսները, ընդհակառակը, ծայրահեղ թշնամական են: Բայց ես ավելի շատ հակված եմ դրական կարծիքի: Ինձ համար այս գիրքը շատ հետաքրքիր էր, քանի որ այն ինչ որ չափ մտածելու շատ տեղիքներ է տալիս ընթերցողին, թե ինչպե՞ս ապրել հանգիստ ու չափված, ինչպես բոլորը: Կամ արկածախնդրություն փնտրեք և գործեք այնպես, կարծես վերջին անգամ եք տեսնում աշխարհը: Եվ սյուժեն, և կերպարները  իմ կարծիքով, բավականին ներդաշնակ և ինքնաբավ են: Հուզմունքով կարդացի: Խորհուրդ կտամ բոլոր իմ հասակակիցներին: Իսկ ես արդեն կարդում եմ շարունակությունը, բայց փոփոխված վերնագրով `<< Абиссаль>>:

 

Սեբաստացին խոհանոցում

Ընտանեկան
Խոհանոցում են սեբաստացիները:

Բաղադրություն `

  • սպրեդ 150գր
  • թխվածքաբլիթ
  • խտացրած կաթ
  • լուծվող սուրճ ջրի հետ խառնած
  • դառը շոկոլադ
  • ցանկությամբ մրգեր

Սկզբում հարում ենք սպրեդը, ավելացնում խտացրած կաթ և մի պտղունց վանիլին: Լավ հարում ենք և այնուհետև ստացված զանգվածը շերտ-շերտ ավելացնում թխվածքաբլիթի վրա: Դառը շոկոլադը հալեցնել և ավելացնել վերջում: Ցանկության դեպքում կարող եք մրգերով գեղեցիկ տեսք տալ:

Փրկենք մոլորակը պլաստիկ շշերից

plastic-bottle

Երևի թե ամենաշատ տարածում ունեցող և իհարկե շատ խոսվող թեմաներից մեկն է պլաստիկի օգտագործումը կենցաղում: Երկու բառով ներկայացնեմ, որպեսզի էլ ավելի հասկանալի լինի: Պլաստիկ իրերի կիրառումը լայնորեն տարածվեց 1950-ականներից սկսած։ Այդ նյութերը թեթև են, մատչելի և մեր կյանքը զգալիորեն հեշտացնում են: Այսօր արդեն դժվար է պատկերացնել մեր առօրյան առանց պլաստիկի․ մեկանգամյա օգտագործման շշեր, բաժակներ, այլ սպասքի պարագաներ, տեխնիկա, բժշկության մեջ լայնորեն կիրառվող ներարկիչներ և այլն: 2015թ-ին աշխարհում արտադրվել է ավելի քան 320 միլիոն տոննա պլաստիկ։ Սակայն կարելի է ասել, որ պլաստիկ իրերի միայն փոքր մասն է վերամշակվում: Թափոնները կուտակվելով զգալի վնաս են հասցնում մեր առողջությանը և շրջակա միջավայրին: Այդ թափոնների այրվելու դեպքում առաջանում են վնասակար քիմիական տարրեր, որոնք ոչ միայն աղտոտում են օդը, այլև ազդում են մարդու առողջության վրա։ Դե ո՞նց չանրադառնամ  այս թեմային: Մտածում էի, որ փոփոխությունների շնորհիվ դրական իմաստ կունենան և բնությունը էլ ավելի  լավը կդարձնենք առանց աղտոտելու, բայց տեսնում ենք որ ոչինի էլ չի օգնում:

Անցյալ տարի երբ նոր էի այս թեման ուսումնասիրում իմացա, որ Հայաստանում պլաստիկ թափոնների վերամշակման ոլորտում ներդրումներ կատարելուն խանգարում են բազմաթիվ տարբեր ռիսկեր և ինչու չէ նաև խոչընդոտներ, օրինակ՝ թափոնների վերամշակման և կառավարման կարևորության մասին տեղեկացվածության պակասը: «Վերջին տվյալների համաձայն՝ Հայաստանում վերամշակվում է  պոլիէթիլենտերեֆտալատային պլաստիկ  շշերի միայն 15%-ը, մինչդեռ համաշխարհային միջին ցուցանիշը 50% է: Վերջին հետազոտությունները ցույց են տալիս, որ մարդն ամեն տարի միջինը 275 միլիոն տոննա պլաստիկե աղբ է արտադրում, որից  3 տոկոսը  թափվում է  ծովեր ու օվկիանոսներ: Թե պլաստիկ շշերը թե պլաստիկ տոպրակները վնաս են հասցնում նախ և առաջ գյուղատնտեսությանը: Դրա պատճառով շատ ընտանի կենդանիներ խոտի հետ միասին ուտում են մայրուղիներից արոտավայրեր տարածված տոպրակները: Բնականաբար, չեն կարողանում մարսել և սատկում են:
Безымянны
Մեզանից յուրքանչյուրն այս հարցում կարևոր դեր ունի: Միթե՞ սա մեզ չի անհանգստացնում և միթե՞ մարդիկ չունեն մտահաղացումներ պլաստիկ շշերի վերաբերյալ: Ինձ թվում է ունեն, սակայան ժամանակը չի ներում նրանց օգտագործելու իրենց հմտությունները և դա հանգեցնում է նրան, որ մարդիկ նախընտրում են ուղղակի շպրտել դրանք: Իմ կարծիքով կարելի է վերամշակել շշերը և կարելի է նույնիսկ հետևել Գերմանիայի օրինակին: Ճիշտ է մենք Հայաստանում ունենք նման պրակտիկա, բայց քանի որ շշերի դիմաց շատ քիչ է վճարվում, բացի այդ, հանձման կետերն են քիչ, մարդիկ նախընտրում են դեն նետել դրանք: Գերմանիան ունի հատուկ ապարատներ, որտեղ պլաստիկ շիշը հանձնելիս ցանկացած մարդ կարող է գումար ստանալ: Եվ քանի որ այդպիսի ապարատները շատ են, մարդիկ պարբերաբար հանձնում են իրենց օգտագործած պլաստիկ շշերը՝ դրանց դիմաց ստանալով համապատասխան գումար: Շշերը հետագայում վերամշակվում են: 

Ֆլեշմոբ

1.Գրիր գոյականներ, որոնց առաջին կամ վերջին տառը փոխելով կստանաք թվականներ;

մեկ — ժեկ, ղեկ, մեգ, մեխ, բեկ
երեք — երես
վեց — ցեց
քսան- քսակ
յոթ — յոդ
ութ — ուշ, ուգ, ուլ
հազար — գազար

  1. Գտիր` ինչն է մեկի մեջ մեկ, կրկինի մեջ` երկու, երեքի մեջ` ոչ մեկ:
    կ տառը

  2. Որ երաժշտական գործիքի անվանումն է կազմված դերանվան կրկնությամբ և կ տառի հավելումով;
    դուդուկ

  3. Տղայի այս անվան վերջին ձայնավորը դրեք վերջում, իսկ նրա տեղում ի հնչյունը, որ դառնա աղջկա անուն:

    Արմեն — Արմինե
    Արսեն — Արսինե
    Կարեն — Կարինե

  4. Շարքում գտիր արևելահայերեն և արևմտահայերեն  համարժեք բառերը: Ժամանակ, ճատրակ, նավթ, փակ, ատեն, կռփամարտ, դրամ, հյուլե, ֆինանսական, քարյուղ, ատոմ, բռնցքամարտ, ստակ, շախմատ,  գոց, ելևմտային:

    ժամանակ — ատեն
    ճատրակ — շախմատ
    նավթ — քարյուղ
    փակ — գոց
    կռթմփար — բռնցքամարտ
    դրամ — ստակ
    հյուլե — ատոմ
    ֆինանսական — ելևմտային

  5. Գրիր  —գույն  բաղադիչով  3-ական գունանուն:

ա) բույսերի անուններից: — վարդագույն, մանուշակագույն, նարնջագույն, շագանակագույն, յասամանագույն

բ)  տարբեր առարկաների անուններից: — մոխրագույն, երկնագույն, շառագույն, կաթնագույն, մարմնագույն

գ)  մետաղների անուններից: — ոսկեգույն, արծաթագույն, բրոնզագույն, պղնձագույն, պողպատագույն 

7.4-5 նախադասությամբ ներկայացրու քո ինքնամեկուսացման մեկ օրը:  

Սեբաստացու առօրյան

8.Շարունակիր և ավարտիր զատկական ասիկները:

Զատիկն ասել ա՝ հենց գամ արմանաս, հենց գնամ` զարմանաս:

Հավը կուտե հատիկ, հատիկ, ծով ձմեռեն դուրս կգա Զատիկ:

Զատիկ, զատիկ, նավակատիկ, արի նստի մեր տան մոտիկ:

Հենց սովածանան, Զատկի փլավը միտը կբերեն:

 

  1.   Մեսրոպ Մաշտոցն աստվածաշնչյան որ բառի փոխարեն օգտագործեց  Զատիկ անվանումը:

Պասեք

Ջոն Սթեյնբեքի նամակը որդուն

Վերլուծություն
Նյու Յորք
Նոյեմբերի 10, 1958 թվական
 

Կարդալով այս գեղեցիկ նամակը ուղղված Ջոնին շատ գեղեցիկ զգացմունքներ փոխանցվեց ինձ: Երբեմն սերը իր հետ բերում է նաև կապվածություն, սխալ քայլեր և ինչու չէ նաև դժվարություններ, սակայն ես կուզենայի անրադառնալ այն մեծ սիրո մասին, որի մասին խոսվում է այս նամակում: Ինչպես հայրը շեշտեց. <<Աղջիկները զգում ու հասկանում են, թե դու ինչ ես զգում, բայց նրանք սովորաբար սիրում են նաև լսել այդ մասին:>>: Այո, սերը այնպիսի զգացմունք է, որի մասին յուրաքանչյուրս ենք ուզում լսել, չէ որ այդ գեղեցիկ խոսքերը քեզ փոխում են, դարձնում քեզ ամենաերջանիկը այս կյանքում: Читать «Ջոն Սթեյնբեքի նամակը որդուն» далее

Սեբաստացու առօրյան

IMG_0756

Այն ինչ կատարվում է ամբողջ աշխարհում ուղղակի անկարագրելի է: Կարելի է ասել այս ամենը մեզ ստիպեց և նունիսկ հնարավորություն ընձեռնեց տանը մնալու, մտքերը հավաքելու և ինչու չէ նաև ինքնակրթվելու: Այս համակարգը ինձ շատ դուր եկավ, քանի որ տան միջավայրում էլ ավելի եմ ոգեշնչվում և անելիքներս ավելի հեշտ եմ կատարում: Դե սկսեմ նրանից, որ ընդհանրապես չեմ ձանձրանում, ընդհակառակը գտել եմ ինձ համար զբաղմունք:

Читать «Սեբաստացու առօրյան» далее

Մեծ ճգնաժամ

Մեծ ճգնաժամ

1930-ական թվականներին տեղի է ունեցել մեծ համաշխարհային տնտեսական ճգնաժամ, որը սկիզբ է առել Միացյալ Նահանգներից: Շատ երկրներում մեծ ճգնաժամը սկսվել է 1929 թվականին և ավարտվել 1941 թվականին: Այն ամենաերկար, ամենախորը և ամենասփռված տնտեսական ճգնաժամն էր 20-րդ դարում:
Читать «Մեծ ճգնաժամ» далее

Ուսումնական պլան

Հեռավար առցանց ուսուցում մարտի 30-ից մինչև ապրիլի 16-ը

18FF832A-49C3-418A-A235-C5F7ED74614E

Հեռավար- առցանց ուսուցման ընթացքում և ինքնամեկուսացման պայմաններում ես շատ հետաքրքիր զբաղմունքներ եմ գտել և կարելի է ասել ամեն օրս հետաքրքիր է անցնում:

Ստորև թվարկում եմ իմ անելիքները.

  • Պարտադիր օնլայն դասերի մասնակցություն
  • Նախագծերի և առաջադրանքների կատարում
  • Տարբեր գրքերի ընթերցում և վերլուծություն
  • << La casa de papel >> սերիալի դիտում
  • Երաժշտություն
  • Ամենօրյա մարզանք
  • Տեսազանգեր ընկերներիս հետ
  • Համեղ ուտեստների պատրաստում
  • Ընտանիքիս հետ երեկոյան ֆիլմի դիտում
  • Զանազան խաղեր

Համո Սահյան

Կարդում եմ Սահյան

Համո Սահյան մարդը

Բանաստեղծ Համո Սահյանը (Հմայակ Սահակի Գրիգորյան) ծնվել է Սիսիանի շրջանի (այժմ՝ Սյունիքի մարզ) Լոր գյուղում: 1937 թ. ավարտել է Բաքվի երկամյա հայկական ուսուցչական ինստիտուտը: Մասնակցել է Հայրենական մեծ պատերազմին: Աշխատել է մի շարք թերթերում և ամսագրերում, որոնց թվում Բաքվի «Խորհրդային գրող» ամսագրում, «Կոմունիստ» և «Ավանգարդ» թերթերում, «Ոզնի» հանդեսում: 1965 – 1967 թթ. եղել է «Գրական թերթի» գլխավոր խբագիրը: Հ. Սահյանի բանաստեղծությունները տպագրվել են դեռևս 30-ական թվականներից, սակայն նա համընդհանուր ճանաչման է արժանացել ռազմաճակատում գրած «Նաիրյան դալար բարդի» բանաստեղծությամբ, որը հատկանշվում է Հայաստան երկրի հանդեպ կարոտի հուզական բռնկումով և անմիջականությամբ:

Читать «Համո Սահյան» далее